Entre o luns día 19 de xuño e o venres 23 de xuño, dezaseis alumnos e alumnas de 2º de Bacharelato participarán nunha viaxe cultural á cidade de Londres. A actividade está organizada polo departamento de Inglés e os alumnos estarán acompañados por Mª Jesús Manteiga e Margarita Losada.

Ás 19:30 horas do venres 16 de xuño terá lugar no centro o acto de final de etapa para o alumnado de 4º de ESO e 2º de BAC. Están convidados a asistir os familiares e o profesorado do centro.

Entre as 8:50 e as 10:10 horas do mércores 14 de xuño, todo o alumnado de 1º de ESO participará nunha charla teatralizada sobre o mundo romano e castrexo, impartida por Miguel Carricoba. A actividade está organizada polo departamento de Xeografía e Historia e terá lugar na aula de novos medios do centro. O alumnado estará acompañado por Luz Penedo e o profesorado dos grupos.

Entre as 8:30 e as 20:00 horas do martes día 13 de xuño de 2023, o alumnado de 2º ESO realizará unha visita ó Mosteiro de Sobrado dos Monxes e ó Parque Acuático de Cerceda. A actividade está organizada polo departamento de Relixión e o alumnado estará acompañado por Silvia Losada Besteiro e outros dous profesores.

Entre as 8:30 e as 19:00 h do venres 9 de xuño, o alumnado de 2º de ESO participarán nunha xornada de iniciación ó surf en Viveiro. A actividade está organizada polo Departamento de Educación Física e os alumnos estarán acompañados por Juan Carlos Peón e Manuel Pérez.

O xoves 8 de xuño todo o alumnado de 1º de ESO participará nun obradoiro de minerais no seguinte horario: 1º ESO A de 10:35 a 11:25, 1º ESO B de 11:25 a 12:15, e 1º ESO C de 12:40 a 13:30. A actividade, organizada polo departamento de Bioloxía, terá lugar no laboratorio de Bioloxía e Xeoloxía. O alumnado estará acompañado por Mercedes Pena.

Entre as 8:30 e as 18:30 horas do día seis de xuño o alumnado de 2º de ESO participará nunha visita a Lugo que incluirá a Casa do Mitreo, a Catedral e un percorrido guiado en inglés sobre a arte urbana da localidade. A actividade está organizada polos departamentos de Xeografía e Historia, Inglés e Matemáticas e o alumnado estará acompañado por Marta Yáñez Castiñeira, Patricia Muñoz-Ayala Sánchez, Rocío Rois Iravedra e Miguel Carricoba Armesto.

Entre as 8:30 e as 12:15 horas do venres 2 de xuño, seis alumnos e alumnas de 1º de BAC participarán nunha xornada de iniciación ó manexo de drons en Caldaloba (Cospeito). A actividade está organizada polo departamento de Tecnoloxía e o alumnado estará acompañado por Marco López Grande e Diego Brezmes Villaraviz.

Entre as 10:30 e as 14:20 horas do xoves 1 de xuño desenvolveranse ao longo da mañá unha actividade de piragüismo para todo o alumnado de 1º de ESO. A actividade está organizada polo departamento de Educación Física e levarase a cabo no río Miño en Lugo. O alumnado estará acompañado por Manuel Pérez e Juan Peón.